பிலிப்பைன்ஸில் அடுக்குமாடி குடியிருப்பில் இருந்த 8 வயது சிறுமி ஒருவர் பயணப்பையில் வைத்து கடத்தப்பட்டதாக கூறப்படும் சம்பவம் தொடர்பிலான cctv காட்சிகள் சமூக வலைத்தளங்களில் வெளியாகியுள்ளன.
குறித்த சிறுமி கடத்தப்பட்ட போது வீட்டில் யாரும் இல்லாததால் வீட்டிற்கு வந்த சிறுமியின் தாய் சிறுமி இல்லாததை கண்டு உடனடியாக சிசிடிவி காட்சிகளை சோதனையிட்டுள்ளர்.
இதன்போது வீட்டு வளாகத்தில் சந்தேகத்திற்கு இடமான முறையில் பயணப்பை ஒன்றை கொண்டு சென்ற நபர் குறித்து சந்தேகம் ஏற்பட்டுள்ளது.
அதன்படி, மேற்கொள்ளப்பட்ட விசாரணைகளில், பயணப்பையில் கடத்திச் செல்லப்பட்ட சிறுமி பத்திரமாக மீட்கப்பட்டுள்ள நிலையில், சந்தேகநபரை பொலிசார் கைது செய்துள்ளனர்.
சம்பவம் தொடர்பில் வீட்டுப் பணியாளராக பணிபுரியும் நபர் ஒருவர் கைது செய்யப்பட்டுள்ளார்.
சந்தேக நபரிடம் மேற்கொள்ளப்பட்ட விசாரணையில், குடியிருப்பாளர்களை பழிவாங்கவே சிறுமியை கடத்தி சென்றதாக தெரிவித்துள்ளார்.
