பூர்வீக மக்களின் குரல் வாக்கெடுப்பு தேதியை பிரதமர் அந்தோனி அல்பானீஸ் இன்று அடிலெய்டில் அதிகாரப்பூர்வமாக அறிவிக்க உள்ளார்.
பெரும்பாலும் அக்டோபர் 14-ம் தேதி வாக்குப்பதிவு நடைபெறும் என அதிகாரப்பூர்வமற்ற தகவல்கள் தெரிவிக்கின்றன.
இதற்கிடையில், வாக்கெடுப்பு முன்மொழிவு மற்றும் அறிவுறுத்தல்கள் அடங்கிய வாக்குச் சீட்டுகள் வீடுகளுக்கு வினியோகிக்கத் தொடங்கியுள்ளன.
அதற்காக 13 மில்லியன் துண்டுப் பிரசுரங்கள் அச்சிடப்பட்டுள்ளதாகத் தெரிவிக்கப்படுகிறது.
இதேவேளை, வாக்கெடுப்பு தொடர்பான வாக்குச் சீட்டுகளை உரிய முறையில் பூர்த்தி செய்யுமாறு மக்களுக்கு அறிவுறுத்தல் வழங்கப்பட்டுள்ளதுடன், இணையத்தளத்தின் ஊடாக தகவல்களைப் பெற்றுக்கொள்ள முடியும்.
பொதுவாக்கெடுப்பு தோற்கடிக்கப்படுவதற்கான வாய்ப்புகள் அதிகம் என சில ஆய்வுகள் தெரிவிக்கின்றன.
இருப்பினும், அரசியலமைப்பு மாற்றத்தை மக்கள் ஆதரிப்பார்கள் என்று பிரதமர் அந்தோனி அல்பானீஸ் நம்புகிறார்.
இந்த தீர்மானத்தை நிறைவேற்ற மக்கள் ஆதரவு தெரிவிக்க வேண்டும் என்றும் பிரதமர் வேண்டுகோள் விடுத்துள்ளார்.
கடந்த 1999-ம் ஆண்டு ஆஸ்திரேலியாவில் இதுபோன்ற பொதுவாக்கெடுப்பு நடத்தப்பட்டது.
