இஸ்ரேலில் சிக்கியுள்ள ஆஸ்திரேலியர்களை மீட்கும் பணிகள் இன்று தொடங்கும்.
டெல் அவிவ் சர்வதேச விமான நிலையத்தில் இருந்து முதல் 02 குழுக்களை இரண்டு குவாண்டாஸ் விமானங்கள் மூலம் லண்டனுக்கு கொண்டு வர திட்டமிடப்பட்டுள்ளது.
பின்னர் அங்கிருந்து ஆஸ்திரேலியா கொண்டு வரப்படுவார்கள்.
இந்த விமானங்களை இலவசமாக இயக்க குவாண்டாஸ் ஏர்லைன்ஸ் ஒப்புக் கொண்டுள்ளது.
தேவைப்பட்டால், இஸ்ரேலில் சிக்கியுள்ள ஆஸ்திரேலியர்களை மீட்க வரும் வாரத்தில் மற்றொரு விமானம் அனுப்பப்படும்.
10,000க்கும் மேற்பட்ட ஆஸ்திரேலியர்கள் இன்னும் இஸ்ரேலில் இருப்பதாகவும், ஹமாஸ் பயங்கரவாதத் தாக்குதலில் ஒரு ஆஸ்திரேலியப் பெண் கொல்லப்பட்டதாகவும் மதிப்பிடப்பட்டுள்ளது.
இஸ்ரேலில் வசிக்கும் ஆஸ்திரேலியர்களுக்கு, நெரிசலின்றி மீட்புப் பணிகள் தொடரும் என வெளியுறவு அமைச்சர் பென்னி வோங் தெரிவித்துள்ளார்.
இஸ்ரேலிய இராணுவ மோதல்களில் சுமார் 1,500 பொதுமக்கள் உயிரிழந்துள்ளதாகவும், 2,700 பேர் காயமடைந்துள்ளதாகவும் தெரிவிக்கப்பட்டுள்ளது.
