ஆஸ்திரேலிய பல்கலைக்கழகங்கள் மற்றும் உயர்கல்வியில் பாலியல் துன்புறுத்தல் சம்பவங்களைத் தடுக்க மாநில மற்றும் மத்திய அரசின் கல்வி அமைச்சர்கள் தொடர்ச்சியான முக்கிய திட்டங்களை உருவாக்கியுள்ளனர்.
மாணவர்களின் பிரச்சினைகளுக்கு ஒம்புட்ஸ்மேனை நியமித்தல் – ஒரு தேசிய ஒழுங்குமுறை அமைப்பை நிறுவுதல் மற்றும் ஒவ்வொரு சம்பவமும் புகாரளிக்கப்படுவதை கட்டாயப்படுத்துதல் ஆகியவை இதில் அடங்கும்.
2020 ஆம் ஆண்டு முதல் தற்போது வரை ஒவ்வொரு ஆண்டும் சுமார் 14,300 பல்கலைக்கழக மாணவர்கள் பல்கலைக்கழக வளாகத்திற்குள் பல்வேறு பாலியல் துன்புறுத்தல்களுக்கு உள்ளாகியுள்ளதாக சமீபத்திய ஆய்வு அறிக்கை காட்டுகிறது.
சில பல்கலைக்கழக அதிகாரிகள் இவ்வாறான சம்பவங்கள் குறித்து தெரிவிக்காதது பாலியல் துன்புறுத்தல்களை தடுப்பதற்கு உள்ள பிரதான தடைகளில் ஒன்றாக இருப்பதால் அதனை கட்டாயமாக்க வேண்டும் என கல்வி அமைச்சர்கள் கூட்டாக தீர்மானம் எடுத்துள்ளனர்.
ஒவ்வொரு உயர்கல்வி நிறுவனங்களின் ஒவ்வொரு கல்வித் துறையிலும் மாணவர் ஆலோசகர்களை நியமிப்பதும் முன்மொழிவுகளில் அடங்கும்.
அதன்படி, எந்த ஒரு வன்முறை சம்பவமும் நடந்தால், அதிக எண்ணிக்கையிலான மக்களிடம் உடனடியாக கூறுவதற்கு பதிலாக, குறைந்த பட்சம் நபர்களுக்கு தகவல் தெரிவித்து, உயர் அதிகாரிகளுக்கு பிரச்னை தெரிவிக்கப்படும்.
39 முன்னணி பல்கலைக்கழகங்கள் இந்த திட்டத்தில் கையெழுத்திட்டுள்ளதாகவும், ஆனால் சிலர் அதை ஏற்க மறுத்துள்ளதாகவும் தகவல்கள் வெளியாகியுள்ளன.
