தென்மேற்கு சீனாவில் உள்ள யுனான் மாகாணத்தை சேர்ந்த டோங் என்பவரின் வீட்டுக்குள் நுழைந்த திருடன், வீட்டில் இருப்பவர்கள் பேசி கொண்டிருக்கும் சத்தம் கேட்டு, அவர்கள் உறங்கும் வரை காத்திருக்கும் நோக்குடன் அங்குள்ள ஒரு அறையில் பதுங்கியுள்ளான்.
சிறிது நேரத்தில், தூங்கிய திருடனின் குறட்டை சத்தம் கேட்டு விழித்த டோங், சத்தம் பக்கத்து அறையில் இருந்து வருவதை உணர்ந்து அங்கு சென்ற போது திருடன் பதுங்கி இருப்பதை கண்டு அதிர்ச்சியடைந்துள்ளார்.
உடனடியாக வீட்டில் உள்ளவர்களை எழுப்பியதோடு, பொலிஸாருக்கும் தகவல் தெரிவித்ததின் அடிப்படையில் விரைந்து சென்ற பொலிஸார் திருடனை கைது செய்துள்ளனர்.
திருடன் மீது ஏற்கனவே வழக்குகள் இருப்பதாகவும், கடந்த ஆண்டு ஒரு வழக்கில் சிறை தண்டனை விதிக்கப்பட்டவர் என்றும் பொலிஸார் தெரிவித்துள்ளனர்.
