பண்டிகைக் காலங்களில் பொதுப் போக்குவரத்து சேவைகளில் பயணிகளிடம் கட்டணம் வசூலிக்க வேண்டாம் என மேற்கு ஆஸ்திரேலியா மாநில அரசு முடிவு செய்துள்ளது.
ஜனவரி 24ம் தேதி முதல் 28ம் தேதி வரை அனைத்து பொது போக்குவரத்து சேவைகளுக்கும் கட்டணம் கிடையாது.
அதிகரித்து வரும் வாழ்க்கைச் செலவுகளைக் கருத்தில் கொண்டு மாநில மக்களுக்கு நிவாரணம் வழங்கத் தீர்மானித்துள்ளதாக மாநில அரசு சுட்டிக்காட்டுகிறது.
மேற்கத்திய அவுஸ்திரேலியாவின் பிரதமர் ரோஜர் குக், எடுக்கப்பட்ட முடிவால் தினமும் பொதுப் போக்குவரத்து சேவைகளைப் பயன்படுத்தும் பயணிகளுக்கு நூற்றுக்கணக்கான டாலர்கள் மிச்சமாகும் என சுட்டிக்காட்டியுள்ளார்.
வட்டி விகித அதிகரிப்பு மற்றும் பல்வேறு பாதகமான நிலைமைகள் காரணமாக பல குடும்பங்கள் நெருக்கடிக்கு உள்ளாகியுள்ளதுடன், அது தமது பிள்ளைகளுடன் சுற்றுலா செல்வதற்கும் பாதகமான பாதிப்பை ஏற்படுத்துவதாக பிரதமர் சுட்டிக்காட்டியுள்ளார்.
இவ்வாறான நிலையில் மக்களுக்கு சிறிதளவு நிம்மதியை வழங்குவதே கட்டணத்தை நிறுத்தியதன் நோக்கம் எனவும் அவர் குறிப்பிடுகின்றார்.
