12 ஆண்டுகளுக்குப் பிறகு, ஆப்பிள் நிறுவனம் சாம்சங் நிறுவனத்தை பின்னுக்குத் தள்ளி, உலகளாவிய ஸ்மார்ட்போன் சந்தையில் உலகின் முன்னணி இடத்தைப் பிடித்துள்ளது.
இன்டர்நேஷனல் டேட்டா கார்ப்பரேஷனின் (ஐடிசி) தரவுகளின்படி, கடந்த ஆண்டு அனுப்பப்பட்ட அனைத்து ஸ்மார்ட்போன்களில் ஐந்தில் ஒரு பங்கை அமெரிக்க தொலைபேசி நிறுவனமான ஆப்பிள் கொண்டுள்ளது.
ஐடிசி அறிக்கைகளின்படி, கடந்த ஆண்டு கிட்டத்தட்ட 1.2 பில்லியன் மொபைல் போன்கள் விற்பனையாகியுள்ளன.
முந்தைய ஆண்டுடன் ஒப்பிடுகையில் இது 3% சரிவாகக் கருதலாம்.
பொருளாதார சவால்கள் மற்றும் அதிக வட்டி விகிதங்களுக்கு முகங்கொடுத்து பல வாடிக்கையாளர்கள் ஸ்மார்ட்ஃபோன்களை கொள்வனவு செய்வதை குறைத்துக்கொள்வதன் மூலம் இந்த நிலைமை ஏற்பட்டுள்ளதாக தெரிவிக்கப்படுகின்றது.
இருப்பினும், இந்த ஆண்டு ஸ்மார்ட்போன் சந்தை மீண்டு வரும் என்று நிபுணர்கள் கணித்துள்ளனர்.
