உலக சுற்றுலாத் தலங்களில் ஒன்றான பாரிஸில் உள்ள ஈபிள் கோபுரம் ஊழியர்கள் வேலை நிறுத்தம் காரணமாக தற்காலிகமாக மூடப்பட்டுள்ளது.
ஈபிள் கோபுரத்தின் நிதி விவகாரங்கள் முறையாக நிர்வகிக்கப்படாமை மற்றும் செலவுகள் மிகைப்படுத்தப்பட்டுள்ளதாக சுட்டிக்காட்டி ஈபிள் கோபுரத்தின் தொழிற்சங்கங்கள் நேற்று முதல் வேலை நிறுத்தப் போராட்டத்தை ஆரம்பித்துள்ளதாக வெளிநாட்டு ஊடகங்கள் செய்தி வெளியிட்டுள்ளன.
ஈபிள் டவர் ஊழியர்கள் வேலைநிறுத்தம் செய்வது இது இரண்டாவது முறையாகும்.
எதிர்வரும் ஒலிம்பிக் போட்டிகளுக்கு முன்னதாக இங்கு சீரமைப்புப் பணிகளை மேற்கொள்ள வேண்டும் எனவும், அதற்கான பணப்பற்றாக்குறை காரணமாக பராமரிப்பு பணிகளை மேற்கொள்ள முடியாதுள்ளதாகவும் தொழிலாளர்கள் சுட்டிக்காட்டுகின்றனர்.
இந்த ஆண்டுக்கான ஒலிம்பிக் போட்டிகள் பிரான்ஸின் பாரிஸில் ஜூலை 26 முதல் ஆகஸ்ட் 11 வரை நடைபெற உள்ளது, திருவிழாவின் போது தொழிலாளர்கள் மற்றொரு வேலைநிறுத்தம் செய்வது குறித்து குறிப்புகள் வழங்கப்பட்டதாக கூறப்படுகிறது.
வருடத்திற்கு ஏறக்குறைய 7 மில்லியன் உள்நாட்டு மற்றும் வெளிநாட்டு சுற்றுலாப் பயணிகள் ஈபிள் கோபுரத்திற்கு வருகை தருவதாகவும், நேற்று கோபுரத்தை மூடியதன் மூலம் ஆயிரக்கணக்கான சுற்றுலாப் பயணிகள் திருப்பி அனுப்பப்பட்டுள்ளதாகவும் தெரிவிக்கப்படுகிறது.
பிரான்ஸ் தலைநகரில் இவ்வருடம் ஒலிம்பிக் போட்டிகள் நடைபெறுவதால், பாரிஸுக்கு வரும் சுற்றுலாப் பயணிகளின் எண்ணிக்கை அதிகரிக்கும் எனவும், அந்தக் காலப்பகுதியில் மீண்டும் வேலைநிறுத்தப் போராட்டத்தை ஆரம்பிப்பது பொருத்தமான சூழ்நிலையல்ல எனவும் விமர்சகர்கள் சுட்டிக்காட்டியுள்ளனர்.
