அலிஸ் ஸ்பிரிங்ஸில் இளைஞர்களுக்கு விதிக்கப்பட்ட ஊரடங்கு மேலும் ஆறு நாட்களுக்கு நீடிக்கப்பட்டுள்ளது.
எதிர்வரும் செவ்வாய்க் கிழமை பாடசாலை மீள ஆரம்பிக்கும் வரை அது நடைமுறையில் இருக்கும் என வடமாகாண முதலமைச்சர் ஈவா லாலர் அறிவித்துள்ளார்.
அதன்படி, பாடசாலைகள் மீண்டும் ஆரம்பிக்கப்படும் எதிர்வரும் செவ்வாய்க்கிழமை காலை 6 மணி வரை ஊரடங்குச் சட்டம் அமுலில் இருக்கும் எனவும், அது பாடசாலை விடுமுறை காலத்தை உள்ளடக்கும் எனவும் அமைச்சர் இன்று ஊடகவியலாளர் சந்திப்பில் தெரிவித்தார்.
நகர மையத்தில் வன்முறை காரணமாக, மார்ச் 27 முதல் இரண்டு வாரங்களுக்கு மாலை 6 மணி முதல் காலை 6 மணி வரை ஊரடங்கு உத்தரவு பிறப்பிக்கப்பட்டது.
அதன் விதிகளின்படி, ஊரடங்கு உத்தரவின் போது நகரத்திலோ அல்லது தெருக்களிலோ காணப்படும் எந்தவொரு குழந்தையும் வீட்டிற்கு அல்லது பாதுகாப்பான இடத்திற்கு அழைத்துச் செல்லப்படும் மற்றும் குற்றவியல் தண்டனைகள் பொருந்தாது.
இந்த ஊரடங்குச் சட்டம் அமுல்படுத்தப்பட்டதன் மூலம் வெற்றிகரமான முடிவுகள் கிடைத்துள்ளதுடன், இந்த விடயம் தொடர்பில் கலந்துரையாடுவதற்காக நடைபெற்ற கூட்டத்தில் அதன் காலத்தை நீடிக்க தீர்மானிக்கப்பட்டது.
ஊரடங்குச் சட்டம் அமுல்படுத்தப்பட்டதன் மூலம் புறநகர்ப் பகுதிகளில் கொள்ளைச் சம்பவங்கள் குறைந்துள்ளதாக வடமாகாண முதலமைச்சர் ஈவா லாலர் தெரிவித்தார்.
