ஐ.பி.எல் தொடரின் நேற்றைய 2-வது போட்டியில் லக்னோ சூப்பர் ஜெயன்ட்ஸ் அணிக்கெதிராக ராஜஸ்தான் ரோயல்ஸ் நாணயசுழற்சியில் வென்று பந்து வீச்சை தேர்வு செய்தது.
அதன்படி லக்னோ அணியின் டி கோக், கேஎல் ராகுல் ஆகியோர் தொடக்க வீரர்களாக களம் இறங்கினர். முதல் ஓவரை டிரென்ட் போல்ட் வீசினார். முதல் இரண்டு பந்துகளையும் பவுண்டரிக்கு விரட்டினார் டி கோக். ஆனால் அடுத்த பந்தில் ஆட்டமிழக்க அடுத்த ஓவரில் மார்கஸ் ஸ்டோய்னிஸ் ஆட்டமிழந்து வெளியேறினார். இதன்மூலம் 2 ஓவரில் 11 ஓட்டங்கள் எடுப்பதற்குள் இரண்டு முக்கிய விக்கெட்டுகளை லக்னோ அணி இழந்தது.
அதன்பின் கேஎல் ராகுல் உடன் தீபக் ஹூடா ஜோடி சேர்ந்தார். இந்த ஜோடி அணியை சரிவில் இருந்து மீட்டது. மேலும், அணியின் ரன்ரேட்டை 10-க்கு கொண்டு வந்தது. பவர்பிளேயில் 46 ஓட்டங்களை அடித்திருந்தது. 10 ஓவரில் 94 ஓட்டங்கள் சேர்த்திருந்தது.
கேஎல் ராகுல் 31 பந்தில் அரைசதம் அடித்தார். மறுமுனையில் தீபக் ஹூடா 30 பந்தில் அரைசதம் அடித்தார்.அரைசதம் அடித்த அடுத்த பந்தில் தீப் ஹூடா ஆட்டமிழந்தார். அடுத்து அதிரடி வீரர் நிக்கோலஸ் பூரன் களம் இறங்கினார். லக்னோ அணி 15 ஓவரில் 150 ஓட்டங்களை தொட்டது.
16-வது ஓவரின் முதல் பந்தில் பூரன் ஆட்டமிழந்தார். அவர் 11 பந்தில் 11 ஓட்டங்கள் எடுத்து ஏமாற்றம் அளித்தார். 5-வது விக்கெட்டுக்கு கேஎல் ராகுல் உடன் ஆயுஷ் படோனி ஜோடி சேர்ந்தார்.
18-வது ஓவரில் கே.எல். ராகுல் 76 ஓட்டங்கள் எடுத்த நிலையில் ஆட்டம் இழந்தார். 48 பந்தில் 8 பவுண்டரி, 2 சிக்ஸ் உடன் அவர் 76 ஓட்டங்கள் அடித்தார்.
கடைசி மூன்று ஓவரில் குறைவான ஓட்டங்களே கிடைக்க லக்னோ சூப்பர் ஜெயன்ட்ஸ் 20 ஓவர்கள் நிறைவில் 5 விக்கெட் இழப்பிற்கு 196 ஓட்டங்களைப் பெற்றது.
இதன்படி 197 என்ற வெற்றி இலக்கை நோக்கி துடுப்பெடுத்தாட களமிறங்கிய ராஜஸ்தான் அணி 19 ஓவர்கள் நிறைவில் 3 மாத்திரம் இழந்து 199 ஓட்டங்களைப் பெற்று வெற்றிப் பெற்றது.
