10 வயது சிறுமி கத்தியால் குத்தி கொல்லப்பட்ட சம்பவம் தொடர்பில் உயிரிழந்த சிறுமியின் சகோதரி நேற்று பிற்பகல் கைது செய்யப்பட்டதாக தெரியவந்துள்ளது.
இதன்படி, 17 வயதுடைய சந்தேகநபர் மீது கொலைக் குற்றச்சாட்டு சுமத்தப்பட்டுள்ளதாக தெரிவிக்கப்படுகிறது.
நியூ சவுத் வேல்ஸ், Boularoo பகுதியில் உள்ள வீடொன்றில் நேற்று மாலை 3.45 மணியளவில் கத்திக்குத்துச் சம்பவம் இடம்பெற்றுள்ளது.
கத்தியால் குத்தப்பட்ட காயங்களுக்கு ஆம்புலன்ஸ் மருத்துவர்கள் சிறுமிக்கு சிகிச்சை அளித்தனர், ஆனால் சம்பவ இடத்திலேயே சிறுமி இறந்ததை போலீசார் உறுதிப்படுத்தினர்.
சம்பவம் நடந்த சிறிது நேரத்திலேயே, அவரது 17 வயது சகோதரி கைது செய்யப்பட்டு பெல்மாண்ட் காவல் நிலையத்திற்கு அழைத்துச் செல்லப்பட்டார்.
சம்பவம் தொடர்பில் உள்ளூர் புலனாய்வுப் பிரிவினர் இரவு முழுவதும் விசாரணைகளை மேற்கொண்டு வருவதுடன், சந்தேகத்திற்கிடமான சிறுமியை இன்று சிறுவர் நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளது.
இது குறித்து மாநில துணை போலீஸ் கமிஷனர் கூறியதாவது, “சமூகத்தில் கத்தியால் குத்துவது பலமான பிரச்னையாக உருவெடுத்துள்ளது” என்றார்.
