மெல்போர்ன் பெண் ஹர்ஜித் கவுர் கருக்கலைப்பு செய்து இறந்தது தொடர்பான விசாரணைகளைத் தொடர்ந்து மேலும் இரு மருத்துவர்கள் பணி இடைநீக்கம் செய்யப்பட்டுள்ளனர்.
30 வயதான இரண்டு பிள்ளைகளின் தாயான இவர் ஜனவரி 12ஆம் திகதி ஹம்ப்டன் பார்க் மகளிர் சுகாதார கிளினிக்கில் சத்திரசிகிச்சைக்காகச் சென்ற பின்னர் உயிரிழந்துள்ளார்.
அறுவைசிகிச்சைக்குப் பிறகு, அவரது இதயத் துடிப்பு நின்றுவிட்டதாகவும், மீண்டும் உயிர்ப்பிக்க முடியவில்லை என்றும் அவரது குடும்பத்தினர் தெரிவித்தனர்.
விக்டோரியாவில் கருக்கலைப்பு மற்றும் கருத்தடை சேவைகளை வழங்கும் முக்கிய தனியார் நிறுவனமான MSI இன் மருத்துவ இயக்குனர் பிலிப் கோல்ட்ஸ்டோன், முதல் மூன்று மாதங்களில் கருக்கலைப்பு செய்வது பொதுவாக மிகவும் பாதுகாப்பானது என்றார்.
இது மிகவும் பாதுகாப்பான செயல்முறை என்றும், மரணம் நம்பமுடியாத அளவிற்கு அரிதானது என்றும் அவர் குறிப்பிட்டார்.
அந்தப் பெண் எப்படி இறந்தார் அல்லது அவரது மரணத்தைத் தடுக்க முடியுமா என்பது இன்னும் விசாரணையில் உள்ளது.
இந்த சம்பவம் குறித்து விசாரணை நடத்தி வரும் ஆஸ்திரேலிய சுகாதாரம் மற்றும் மருத்துவ ஒழுங்குமுறை நிறுவனம், கிளினிக்கில் உள்ள பல மருத்துவர்களை பணி இடைநீக்கம் செய்துள்ளது.
மயக்க மருந்து நிபுணர் டோனி சோவ் மற்றும் கிளினிக் இயக்குநரும் உரிமையாளருமான மிச்செல் கென்னி ஆகியோர் கடந்த மாதம் இடைநீக்கம் செய்யப்பட்டனர், மேலும் மகளிர் மருத்துவ நிபுணர் ருடால்ப் லோப்ஸ் இந்த ஆண்டின் தொடக்கத்தில் இடைநீக்கம் செய்யப்பட்டார்.
