சிட்னியின் புறநகர் பகுதியில் மதியம் ஒரு குழுவினரால் தாக்கப்பட்டு வைத்தியசாலைக்கு கொண்டு செல்லப்பட்ட நபர் உயிரிழந்துள்ளார்.
நேற்று பிற்பகல், முகமூடி அணிந்த மூன்று நபர்கள் பதுங்கியிருந்து தாக்குதல் நடத்தியதுடன், 37 வயதுடைய நபர் ஒருவர் படுகாயமடைந்த நிலையில் உயிரிழந்துள்ளார்.
நேற்று பிற்பகல் 1.45 மணியளவில் Guildford பகுதியில் உள்ள வீதியொன்றில் சென்று கொண்டிருந்த போது, கறுப்பு ஆடை மற்றும் முகமூடி அணிந்த மூன்று நபர்களால் தாக்கப்பட்டதாக பொலிஸார் குறிப்பிட்டுள்ளனர்.
வாள்வெட்டு சம்பவமும் இடம்பெற்றுள்ளதாகவும், பலத்த காயமடைந்த நபர் சத்திரசிகிச்சையின் பின்னர் உயிரிழந்துள்ளதாகவும் தெரிவிக்கப்படுகிறது.
இந்த தாக்குதலுக்கான காரணம் இதுவரை தெரியவரவில்லை மற்றும் சந்தேகநபர்கள் இதுவரை வெளிவரவில்லை.
உயிரிழந்த நபருக்கும் அவருடன் இருந்த மற்றைய இளைஞருக்கும் ஒழுங்கமைக்கப்பட்ட குற்றக் குழுக்களுடனோ சட்டவிரோத மோட்டார் சைக்கிள் குழுக்களுடனோ தொடர்பில்லை என்பதும் தெரியவந்துள்ளது.
