ராயல் மெல்போர்ன் மருத்துவமனை ஊழியர்கள் மற்றும் நோயாளிகள் கட்டுப்படுத்த முடியாத எலி தொல்லையால் அவதிப்பட்டு வருவதாக தெரியவந்துள்ளது.
நிலைமை கட்டுப்படுத்த முடியாத அச்சுறுத்தலாக மாறியுள்ளதாக வைத்தியசாலை ஊழியர்கள் தெரிவித்துள்ளனர்.
மருத்துவமனையின் நோயாளிகள் அறைகளில் எலிகள் எப்படி நடமாடுகின்றன என்பது குறித்த வீடியோ சமூக வலைதளங்களில் வெளியாகியுள்ள நிலையில், இந்த விவகாரம் மீண்டும் கவனத்தை ஈர்த்துள்ளது.
இந்நிலைமையை கட்டுப்படுத்த ஏற்கனவே பூச்சிக்கொல்லிகள் பயன்படுத்தப்பட்டு வருவதாக தெரிவிக்கப்படுகிறது.
தொடர்ந்து மருத்துவமனையில் எலி தொல்லை நீடித்தால், மருத்துவமனைக்கு சிகிச்சைக்கு வரும் நோயாளிகளுக்கும் வேறு நோய்கள் வரும் நிலை ஏற்படும் என கூறப்படுகிறது.
நோயாளிகள் மற்றும் ஊழியர்களின் பாதுகாப்புக்கு முன்னுரிமை அளிக்கப்படும் என்றும், அது தொடர்பான பிரச்னையை சமாளிக்க உரிய நடவடிக்கை எடுக்கப்படும் என்றும் மருத்துவமனை நிர்வாகம் அறிவிப்பு வெளியிட்டுள்ளது.
