கணவனால் உயிரிழந்த இலங்கைத் தாய் – நீதிமன்றத்தில் மகன் வாக்குமூலம்

மெல்பேர்ன், Sandhurst பகுதியில் உள்ள வீடொன்றில் கணவனால் படுகொலை செய்யப்பட்ட இலங்கைப் பெண்ணின் மகன் இன்று நீதிமன்றில் சாட்சியமளித்துள்ளார்.

ஆத்திரத்தில் தந்தை தாயை தாக்கியபோது உதவி கேட்டு அலறியடித்து ஓடியதாகவும், தந்தை கோடாரியால் துரத்தியதாகவும் அவர் தெரிவித்துள்ளார்.

சந்தேகநபரின் 19 வயது மகன் தினுஷ் குரேரா, 2022 ஆம் ஆண்டு டிசம்பர் 3 ஆம் திகதி தனது வீட்டில் இடம்பெற்ற கொலைச் சம்பவம் தொடர்பாக இன்று உச்சநீதிமன்றத்தில் ஜூரிக்கு சாட்சியமளித்துள்ளார்.

தாயின் மரணத்தின் போது 17 வயதுடைய குறித்த இளைஞன் இன்று 14 ஜூரிகளுக்கு காணொளி மூலம் சாட்சியமளித்துள்ளதாக தெரிவிக்கப்படுகின்றது.

சந்தேகநபர் பெண்ணை கோடரியால் தாக்கி அம்புலன்ஸ் வாகனத்தை அழைக்கும் முயற்சியை தடுத்ததையும் மகன் நீதிமன்றில் வெளிப்படுத்தியுள்ளார்.

தப்பிக்க முயன்றால் அனைவரையும் வீட்டில் பெட்ரோல் ஊற்றி கொன்று விடுவதாக தந்தை மிரட்டியதாக இந்த இளைஞன் தெரிவித்துள்ளார்.

இதேவேளை, 47 வயதான சந்தேக நபர், தனது மனைவி நெலோமி பெரேராவை கொன்றதாக ஒப்புக்கொண்டுள்ளதுடன், தனது உயிரைக் காப்பாற்றுவதற்காக தற்காப்புக்காகவே இந்த நடவடிக்கையை மேற்கொண்டதாக நீதிமன்றில் தெரிவித்துள்ளார்.

கொலை தொடர்பான பல குற்றச்சாட்டுகளை மறுத்துள்ள அவர், தான் மகனைத் தாக்கவில்லை என்றும் கூறியுள்ளார்.

குரேராவின் மகன் வீடியோ மூலம் கொலையை விவரித்ததை தினுஷ் உணர்ச்சியின்றி பார்த்ததாக நீதிமன்ற பதிவுகள் காட்டுகின்றன.