பிரிஸ்பேன் விமான நிலையத்தில் ஊழியர்கள் குழு ஒன்றின் வேலைநிறுத்தம் காரணமாக விமானம் தாமதமாகலாம் என பயணிகளுக்கு அறிவிக்கப்பட்டுள்ளது.
மின் ஊழியர் சங்கம் மற்றும் உற்பத்தி தொழிலாளர் சங்கம் இணைந்து இந்த பணிப்புறக்கணிப்பை ஏற்பாடு செய்துள்ளதாக தெரிவிக்கப்படுகின்றது.
இந்த தொழிற்சங்கங்களைச் சேர்ந்த ஊழியர்கள் இன்று பணியில் இல்லாததால் விமானங்கள் தாமதமாகலாம் என விமான நிலைய அதிகாரிகள் பயணிகளுக்கு தெரிவித்துள்ளனர்.
சம்பளப் பிரச்சினை காரணமாக இத்தொழிலாளர்கள் 24 மணி நேர வேலை நிறுத்தப் போராட்டத்தை ஆரம்பித்துள்ளதாகவும் 30க்கும் மேற்பட்ட தொழிலாளர்கள் ஒன்றிணைந்துள்ளதாகவும் தெரிவிக்கப்படுகிறது.
இது பிரிஸ்பேன் விமான நிலையத்தின் உள்நாட்டு மற்றும் சர்வதேச டெர்மினல்களில் பேக்கேஜ் கையாளும் சேவைகளையும் பாதிக்கும்.
இதன் காரணமாக சுற்றுலா பயணிகள் உள்ளிட்ட பயணிகள் தங்கள் விமானத்திற்கு முன்கூட்டியே வருமாறு விமான நிலைய அதிகாரிகள் கேட்டுக் கொண்டுள்ளனர்.
