நீண்ட நேரம் கழிவறையில் அமர்ந்து நேரத்தை செலவிடுவது உடல் நலத்திற்கு கேடு விளைவிக்கும் என மருத்துவ நிபுணர்கள் தெரிவித்துள்ளனர்.
கழிவறையில் நீண்ட நேரம் அமர்ந்திருப்பதால் மூல நோய் மற்றும் இடுப்பு தசை பலவீனம் ஏற்படும் என அமெரிக்க பெருங்குடல் அறுவை சிகிச்சை நிபுணர் டாக்டர் Lie Xue குறிப்பிட்டுள்ளார்.
நியூயார்க்கில் உள்ள Stony Brook Medicine உதவி பேராசிரியர் Farah Monzur, ஒரு மனிதன் 5 முதல் 10 நிமிடங்கள் கழிப்பறையில் செலவிட வேண்டும் என்று கூறினார்.
ஆனால், அதிக நேரம் கழிவறையில் அமர்ந்திருப்பதை நிறுத்தும் வகையில், போன், பத்திரிக்கை, புத்தகங்களை கழிப்பறைக்கு எடுத்துச் செல்வதை தவிர்க்க வேண்டும் என அறிவுரை வழங்கப்பட்டுள்ளது.
உடல் வேலைகள் சரியாக செய்யப்படாவிட்டால், 10 நிமிடங்களுக்குப் பிறகு கழிவறையில் இருந்து எழுந்து சிறிது நேரம் சுற்றித் திரிவது நல்லது என்றும் அது எளிதாகிவிடும் என்றும் டாக்டர் லீ க்யூ மேலும் குறிப்பிட்டுள்ளார்.
நார்ச்சத்து அதிகம் உள்ள உணவுகளை உட்கொள்வதும் , தினமும் 2.7 முதல் 3.7 லிட்டர் தண்ணீர் அருந்துவதும் உடல் நன்றாக செயல்பட பயனுள்ளதாக இருக்கும் என்று குறிப்பிடப்பட்டுள்ளது .
ஆனால் மலச்சிக்கல் மோசமடைவதும், அதிக நேரம் கழிப்பறையில் இருப்பதும் புற்றுநோயின் அறிகுறியாக இருக்கலாம் என்று மருத்துவ நிபுணர்கள் ஊகிக்கின்றனர்.
மலச்சிக்கலின் அறிகுறிகள் தொடர்ந்தாலோ அல்லது மூன்று வாரங்களுக்குள் கழிவறையில் அதிக நேரம் அமர்ந்திருந்தாலோ மருத்துவரை அணுகுவது நல்லது என மேலும் தெரிவிக்கப்பட்டுள்ளது.
