ஆஸ்திரேலியாவில் சர்வதேச மாணவர் சேர்க்கையை கட்டுப்படுத்துவதற்கான சட்டம் அடுத்த வாரம் செனட்டில் நிறைவேற்றப்படும் என்று பலர் கூறுகின்றனர்.
எவ்வாறாயினும், வெளிநாட்டு மாணவர்களின் குடியேற்றத்தைக் குறைக்க தாம் ஆதரவளிக்கப் போவதில்லை என எதிர்க்கட்சி தெரிவித்துள்ளது.
சர்வதேச மாணவர்களின் எண்ணிக்கையில் கட்டுப்பாடுகள் விதிக்கப்படுவதை ஆதரிக்கப் போவதில்லை என மத்திய எதிர்க்கட்சித் தலைவர் பீட்டர் டட்டன் தெரிவித்துள்ளார்.
எதிர்க்கட்சி அரசியல்வாதிகள் உத்தேச சட்டத்திற்கு எதிராக வாக்களிக்க முடிவு செய்துள்ள நிலையில், சர்வதேச மாணவர்களுக்கான வரம்பை மத்திய அரசு அமல்படுத்த முடியாது.
இந்த மசோதா அடுத்த இரண்டு வாரங்களில் ஆஸ்திரேலிய நாடாளுமன்றத்தில் விவாதிக்கப்படும் என்றும், இந்த ஆண்டு இறுதிக்குள் நிறைவேற்றப்பட வேண்டும் என்றும் எதிர்பார்க்கப்படுகிறது.
முன்மொழியப்பட்ட மசோதா நிறைவேற்றப்பட்டால், புதிய விதிகளின்படி 2025ஆம் ஆண்டுக்குள் வெளிநாட்டு மாணவர்களின் எண்ணிக்கை 270,000 ஆகக் குறைக்கப்படும்.
அடுத்த ஆண்டு மே மாதத்திற்குள் நடைபெறவுள்ள கூட்டாட்சித் தேர்தலுக்கு முன்னதாக, குடியேற்றவாசிகளின் அதிகரிப்பு மற்றும் முன்னெப்போதும் இல்லாத வீட்டு நெருக்கடிக்கு தீர்வாக ஆளும் கட்சி இந்த முன்மொழிவை எடுத்தது.
உத்தேச சட்டத்தின் மூலம் உயர்கல்வி மற்றும் தொழிற்பயிற்சி மூலம் புதிய சர்வதேச மாணவர்களுக்கு வாய்ப்புகள் கிடைக்காமல் போவதாக எதிர்க்கட்சி விளக்கம் அளித்துள்ளது.
