தென் கொரியாவின் இரண்டாவது பெரிய நகரத்தில் உள்ள சர்வதேச விமான நிலையத்தில் பயணிகள் விமானம் ஒன்று தீப்பிடித்து எரிந்தது.
புசானில் உள்ள கிம் சர்வதேச விமான நிலையத்தில் இருந்து ஹொங்கொங்கை நோக்கி பயணித்த போது இந்த விபத்து இடம்பெற்றுள்ளது.
176 பேரை ஏற்றிச் சென்ற விமானத்தில் இருந்த பயணிகள் வெளியேற்றப்பட்டதாக தென் கொரிய ஊடகங்கள் தெரிவிக்கின்றன.
169 பயணிகள் மற்றும் 7 விமான பணிப்பெண்களை ஏற்றிச் சென்ற இந்த விமான விபத்தில் ஒருவர் மட்டுமே காயமடைந்துள்ளதாக தெரிவிக்கப்பட்டுள்ளது.
தீ விபத்திற்கான காரணம் இதுவரை கண்டறியப்படவில்லை, பூசான் தீயணைப்பு அதிகாரிகள் உடனடியாக தீயை அணைக்கும் பணியில் ஈடுபட்டுள்ளனர்.
டிசம்பர் 29 அன்று, தாய்லாந்தில் இருந்து தென் கொரியாவின் முவான் நகருக்குச் சென்ற விமானம் விபத்துக்குள்ளானதில் 179 பேர் கொல்லப்பட்டனர். சமீப காலத்தில் தென் கொரியாவில் நடந்த மிக மோசமான விமான விபத்து இதுவாகும்.
