சிட்னி கடற்கரையில் கருப்பு நிறத்தில் பந்து வடிவிலான ஒரு பொருள் கண்டுபிடிக்கப்பட்டுள்ளது.
இதன் காரணமாக சிட்னியில் 17 கடற்கரைகள் மூடப்பட்டுள்ளதாக தெரிவிக்கப்படுகிறது.
இந்தப் பந்துகளில் அதிக தொற்றும் பாக்டீரியாக்கள் இருப்பது கண்டறியப்பட்டதாக ஆஸ்திரேலிய சுகாதார அதிகாரிகள் தெரிவித்தனர்.
கடந்த ஆண்டு அக்டோபர் மாதத்திலிருந்து சிட்னியின் Coogee, Gordon’s Bay, Clovelly, Bondi, Bronte, Tamarama மற்றும் Maroubra ஆகிய கடற்கரைகளில் இந்த நச்சு கருப்பு பந்துகள் இருப்பதாகப் பதிவாகியுள்ளன.
இருப்பினும், இவை இன்னும் ஆராய்ச்சி நிலையில் இருந்ததால், இதைப் பற்றி பொதுமக்களுக்கு முன்கூட்டியே தெரிவிக்கத் தவறிவிட்டதாக சுகாதார அதிகாரிகள் கூறுகின்றனர்.
இந்த கருப்பு பந்துகள் வயிற்றுப்போக்கு, மூளைக்காய்ச்சல் மற்றும் வயிறு மற்றும் சிறுநீர் பாதை தொற்றுகளை ஏற்படுத்தும் என்பது இப்போது உறுதிப்படுத்தப்பட்டுள்ளது.
இது குறித்த விசாரணைகள் தொடர்ந்து நடைபெற்று வருகின்றன. மேலும் அவற்றைத் தொடுவதைத் தவிர்க்குமாறு EPA பொதுமக்களுக்கு அறிவுறுத்துகிறது.
