சர்வதேச கவனத்தை ஈர்த்த காளான் கொலையாளி வழக்கின் இறுதித் தீர்ப்பு

சர்வதேச கவனத்தை ஈர்த்த காளான் கொலையாளி Erin Patterson வழக்கின் இறுதித் தீர்ப்பு நேற்று வழங்கப்பட்டது.

இரண்டு ஆண்டுகளுக்கு முன்பு விஷக் காளான்கள் கலந்த உணவை அளித்து மூன்று கொலைகளைச் செய்ததாகக் குற்றம் சாட்டப்பட்டதை அடுத்து, நீதிமன்றம் நேற்று அவருக்கு 33 ஆண்டுகள் பரோல் இல்லாமல் ஆயுள் தண்டனை விதித்தது.

இந்த காளான் மதிய உணவில் உயிர் பிழைத்த ஒரே நபரான இயன் வில்கின்சன், பேட்டர்சனின் தண்டனைக்குப் பிறகு நீதிமன்றத்திற்கு வெளியே ஊடகங்களிடம் பேசினார். மேலும் விக்டோரியா காவல்துறையின் பணி மற்றும் கருணைக்கு நன்றி தெரிவித்தார்.

50 வயதான Erin Patterson ஆயுள் தண்டனை விதிக்கப்பட்டபோது எந்த உணர்ச்சியையும் காட்டவில்லை என்றும், தண்டனை அறிவிக்கப்படும் வரை நீண்ட நேரம் கண்களை மூடிக்கொண்டிருந்ததாகவும் ஊடக அறிக்கைகள் குறிப்பிடுகின்றன.

பெண் கைதிகளை நடத்துவதற்கும், சிறையில் பெண்களை மனிதாபிமானத்துடன் நடத்துவதற்கும், அவர்களின் உடல் மற்றும் உளவியல் பாதுகாப்பை உறுதி செய்வதற்கும் 70 முக்கிய ஐ.நா. விதிகளை நீதிபதி பீல் தனது தண்டனை அறிக்கையில் கோடிட்டுக் காட்டினார்.

இருப்பினும், Patterson-இன் தண்டனை அவரை 2056 இல் 81 வயதில் பரோலுக்கு தகுதியுடையவராக்கும்.

இயன் வில்கின்சனை கொலை செய்ய முயன்றதற்காக அவருக்கு 25 ஆண்டுகள் சிறைத்தண்டனையும், ஹீதர் வில்கின்சன், டான் பேட்டர்சன் மற்றும் கெயில் பேட்டர்சன் ஆகியோரைக் கொலை செய்ததற்காக ஆயுள் தண்டனையும் விதிக்கப்பட்டது.

இந்த சிறைத்தண்டனைகள் அனைத்தும் ஏககாலத்தில் அனுபவிக்கப்படும் என்று நீதிபதி கூறியுள்ளார்.