ஆஸ்திரேலியாவில் உடைமாற்றும் அறையில் திரைச்சீலையை, ஆண் ஒருவர் ஆக்ரோஷமாக திறந்ததால் பெண்ணொருவர் அதிர்ச்சியடைந்தார்.
மெல்பேர்ணைச் சேர்ந்த Rita எனும் பெண்ணொருவர், பிரபல ஆடை நிறுவனமான Zara-இன் கடை ஒன்றுக்கு சென்றுள்ளார்.
Westfield Doncaster-இல் அமைந்துள்ள அந்த கடையின் உடைமாற்றும் அறையில் அவர் இருந்துள்ளார்.
அப்போது அந்த அறையின் திரைச்சீலையை ஆண் ஒருவர் கிழித்ததால் பயந்த அவர், உடனடியாக அதனை மூடிவிட்டு விரைவாக ஆடையணிந்து வெளியே வந்துள்ளார்.
மேலும், Zara ஊழியர்களுக்கு தகவல் கொடுத்துள்ளார். முதலில் அவர் Zara-இன் ஆண் ஊழியரை சந்தேகித்து அவர்தானா என்று கேட்டுள்ளார். ஆனால் அவர் இல்லை என்று கூறப்பட்டுள்ளது.
பின்னர் மேல் மட்டத்தில் உள்ள உடை மாற்றும் அறைகளில் ‘ஆட்கள் இல்லை’ என்றும், ‘வாடிக்கையாளர்கள் கீழ் மட்டத்தில் உள்ள உடை மாற்றும் அறைகளைப் பயன்படுத்துவார்கள்’ என்றும் மற்றொரு தொழிலாளி கூறியதைக் கேட்டு அவர் அதிர்ச்சியடைந்தார்.
Rita தனது TikTok வீடியோவில் இதுகுறித்து விரக்தியாக பேசியிருந்தார். அதில் நடந்தவற்றை விளக்கமாகக் கூறி பெண்களை கவனமாக இருக்குமாறு எச்சரித்தார். இந்த வீடியோ விரைவாக 645,000க்கும் மேற்பட்ட பார்வைகளைக் கடந்துள்ளது.
மற்றொரு வீடியோவில், CCTV காட்சிகளை மதிப்பாய்வு செய்த Zara-இன் ஆஸ்திரேலிய பிரதிநிதி தன்னைத் தொடர்பு கொண்டதாகக் கூறினார்.
