சட்டவிரோத குடியேற்றவாசிகள் தொடர்பான புதிய சட்டங்கள் இன்று மத்திய நாடாளுமன்றத்தின் பிரதிநிதிகள் சபையில் சமர்ப்பிக்கப்பட உள்ளன.
இது நேற்று செனட் சபையில் பெரும்பான்மையுடன் நிறைவேற்றப்பட்டது.
எதிர்க்கட்சிகளின் ஆதரவுடன் நிறைவேற்றப்பட்ட புதிய சட்டங்கள் இன்று அமலுக்கு வருகின்றன.
மேல் நீதிமன்ற உத்தரவுக்கு அமைய விடுதலை செய்யப்பட்ட கைதிகளில் சிலர் பல்வேறு குற்றச் செயல்களில் ஈடுபட்டதாக நிரூபிக்கப்பட்டுள்ள நிலையில், தற்போது 04 பேர் மீண்டும் கைது செய்யப்பட்டுள்ளனர்.
எதிர்காலத்தில் இதுபோன்ற சம்பவங்கள் நிகழாமல் தடுக்கும் வகையில், சட்ட விரோதமாக குடியேறியவர்களை சமூகத்தில் விடுவிப்பது தொடர்பான தொடர் புதிய ஒழுங்குமுறை விதிமுறைகளை விதிக்க மத்திய அரசு நடவடிக்கை எடுத்தது.
எந்தவொரு சட்டவிரோத குடியேற்றவாசியும் தடுப்புக்காவலில் இருந்து விடுவிக்கப்பட்டாலும், சட்ட அமலாக்க அதிகாரிகளுக்கு அவர்களை மீண்டும் கைது செய்வதற்கும் அதிகபட்சமாக 03 வருடங்கள் வரை காவலில் வைப்பதற்கும் அதிக அதிகாரங்கள் வழங்கப்படுகின்றன.
உயர்நீதிமன்ற உத்தரவின்படி, 148 கைதிகள் விடுவிக்கப்பட்டுள்ளனர், அவர்களில் எத்தனை பேர் மீது கிரிமினல் குற்றச்சாட்டு உள்ளது என்பது இன்னும் உறுதி செய்யப்படவில்லை.
