அவுஸ்திரேலியாவில் வேலை வழங்குவதாக கூறி பணம் பெறுபவர்கள் தொடர்பில் அவதானமாக இருக்குமாறு இலங்கை பொலிஸார் மக்களுக்கு அறிவித்துள்ளனர்.
இதன்படி, அவுஸ்திரேலியாவில் நிரந்தர தொழில் பெற்றுத் தருவதாகக் கூறி ஒரு மில்லியன் இலங்கை ரூபாவைப் பெற்ற ஒருவரை இலங்கையில் ஏற்கனவே கைது செய்துள்ளதாக இலங்கை பொலிஸார் தெரிவித்தனர்.
பொலிஸ் நிலையத்தில் கிடைக்கப்பெற்ற முறைப்பாட்டின் அடிப்படையில் பொலிஸார் விசாரணைகளை ஆரம்பித்துள்ளதுடன், சம்பவம் தொடர்பில் கம்பஹா பிரதேசத்தைச் சேர்ந்த 64 வயதான ஒருவர் கைது செய்யப்பட்டுள்ளார்.
அவுஸ்திரேலியாவில் தொழில் வழங்குவதாக வாக்குறுதியளித்து மேற்கொள்ளப்படும் மோசடிகளில் வீழ்ந்துவிட வேண்டாம் என இலங்கை பொலிஸார் மக்களுக்கு அறிவித்துள்ளனர் .
