News அவசரகால சட்டம் 57 மேலதிக வாக்குகளால் நிறைவேறியது!

அவசரகால சட்டம் 57 மேலதிக வாக்குகளால் நிறைவேறியது!

-

பொதுமக்கள் பாதுகாப்புக் கட்டளைச் சட்டத்தின் கீழ் பதில் ஜனாதிபதியினால் வெளியிடப்பட்ட அவசரகால நிலைமைப் பிரகடனம் தொடர்பான தீர்மானம் இன்று (27) பாராளுமன்றத்தில் 57 மேலதிக வாக்குகளால் நிறைவேற்றப்பட்டது.

இதற்கு ஆதரவாக 120 வாக்குகள் அளிக்கப்பட்டதுடன், எதிராக 63 வாக்குகளும் அளிக்கப்பட்டன.

இன்று மு.ப 10.00 மணிக்கு பாராளுமன்றம் கூடியதுடன், சபை முதல்வர் அமைச்சர் சுசில் பிரேமஜயந்த அவர்களினால் பொதுமக்கள் பாதுகாப்புக் கட்டளைச் சட்டத்தின் கீழ் பதில் ஜனாதிபதியால் வெளியிடப்பட்ட அவசரகால நிலைமைப் பிரகடனம் தொடர்பான தீர்மானம் பாராளுமன்றத்தில் சமர்ப்பிக்கப்பட்டு விவாதம் ஆரம்பிக்கப்பட்டது.

பி.ப 5.20 மணி வரை இதற்கு ஆதரவாகவும், எதிராகவும் கருத்துக்கள் முன்வைக்கப்பட்டதுடன், விவாதம் முடிவடைந்ததும் எதிர்க்கட்சியின் முதற்கோலாசான் பாராளுமன்ற உறுப்பினர் லக்ஷ்மன் கிரியல்லவினால் வாக்கெடுப்புக் கோரப்பட்டமைக்கு அமைய வாக்கெடுப்பு நடத்தப்பட்டது.

பொதுமக்கள் பாதுகாப்புக் கட்டளைச் சட்டத்தின் 2 ஆம் பிரிவின் கீழ்17ஆம் திகதியன்று செய்யப்பட்ட பிரகடனத்தின் மூலம் மேற்படி கட்டளைச்சட்டத்தின் IIஆம் பகுதியின் கீழ் இலங்கை முழுவதும் 18ஆம் திகதியிலிருந்து நடைமுறைக்கு வருவதாக அப்போதைய பதில் ஜனாதிபதியினால் பிரகடனப்படுத்தப்பட்டுள்ளது.

Latest news

புகலிடம் கோரி அவுஸ்திரேலியாவுக்கு வரும் மக்களுக்காக எடுக்கப்பட்டுள்ள நடவடிக்கை

புகலிடம் கோரி அவுஸ்திரேலியாவுக்கு வரும் மக்களுக்காக தெற்கு அவுஸ்திரேலியாவில் புதிய புகலிட மையம் ஒன்று நிர்மாணிக்க தீர்மானிக்கப்பட்டுள்ளது.

ஸ்ரேலிங் பவுண்ட் பெறுமதி வரலாறு காணாத வீழ்ச்சி!

அமெரிக்க டொலருக்கு நிகரான பிரித்தானிய ஸ்ரேலிங் பவுண்டின் பெறுமதி கணிசமாக அளவு வீழ்ச்சியடைந்துள்ளது.

சிட்னி மக்களுக்கு வழங்கப்பட்ட 50 டொலர் வவுச்சர்கள் தொடர்பில் விசேட அறிவிப்பு

சிட்னி குடியிருப்பாளர்களுக்கு வழங்கப்பட்ட 50 வவுச்சர்களின் செல்லுபடியாகும் காலம் வரும் 9 ஆம் திகதியுடன் முடிவடையும் என்று...

ஆஸ்திரேலியாவின் குடிவரவு மையங்களில் உள்ளவர்களுக்கு மகிழ்ச்சியான தகவல்

ஆஸ்திரேலியாவில் சட்டவிரோதமாக கைது செய்யப்பட்டு தற்போது தடுப்பு முகாம்களில் உள்ள சட்டவிரோத குடியேற்றவாசிகள் தொடர்பான நடவடிக்கைகளை துரிதப்படுத்த...

ஆஸ்திரேலியாவில் வாழ்க்கைச் செலவு அதிகரிப்பு – பெற்றோர்களை தேடி செல்லும் இளைஞர்கள்

ஆஸ்திரேலியாவில் வாழ்க்கைச் செலவு அதிகரித்து வருவதால், தங்கள் பெற்றோருடன் வாழ செல்லும் ஆஸ்திரேலியர்களின் எண்ணிக்கை குறிப்பிடத்தக்க அளவில்...

ஆஸ்திரேலியாவில் வியாழக்கிழமைக்குப் பிறகு உயரும் பெட்ரோல் விலை

ஆஸ்திரேலியாவில் பெற்றோல் வரிச்சலுகை எதிர்வரும் வியாழக்கிழமை நிறைவடைந்ததன் பின்னர் வாகன சாரதிகள் சுமக்க வேண்டிய மேலதிக செலவுகள்...