News வெளிநாடு செல்ல முயன்ற 44 இலங்கையர்களுக்கு நேர்ந்த கதி

வெளிநாடு செல்ல முயன்ற 44 இலங்கையர்களுக்கு நேர்ந்த கதி

-

இலங்கையின் கிழக்கு கடற்பரப்பில் இருந்து கடல் மார்க்கமாக சட்டவிரோதமாக வெளிநாடு செல்ல முயன்ற 44 பேரைக் கடற்படையினர் தமது பொறுப்பில் எடுத்துள்ளனர் என்று கடற்படையின் ஊடகப்பிரிவு தெரிவித்துள்ளது.

திருகோணமலை மற்றும் மட்டக்களப்பு ஆகியபகுதிகளில் நேற்றிரவு மேற்கொள்ளப்பட்ட விசேட சோதனை நடவடிக்கையின்போது இவர்கள் சிக்கியுள்ளனர்.

திருகோணமலைக்கு அப்பால் சந்தேகத்துக்கிடமாக பயணித்த மீன்பிடிக் படகு ஒன்று, கடற்படையின் P – 465 என்ற விரைவு படகால் இடைமறிக்கப்பட்டதுடன், அதிலிருந்து சட்டவிரோதமாக வெளிநாடு செல்ல முயற்சித்ததாக சந்தேகிக்கப்படும் 29 பேர் கடற்படையினரால் பொறுப்பேற்கப்பட்டனர் என்று தெரிவிக்கப்பட்டுள்ளது.

கைதுசெய்யப்பட்டவர்களில் ஆட்கடத்தலில் ஈடுபட்டதாகக் குற்றம் சாட்டப்பட்ட 5 பேர் உட்பட 25 ஆண்களும், 18 வயதுக்கு மேற்பட்ட 2 பெண்கள் மற்றும் 18 வயதுக்குட்பட்ட 2 பேரும் அடங்குவர்.

அத்துடன், P 465 விரைவு படகின் மூலம் மேற்கொண்ட தொடர் சோதனையில் குறித்த மீன்பிடிப் படகுக்குக் கரையிலிருந்து நபர்களை ஏற்றிச் சென்றதாகச் சந்தேகிக்கப்படும் குச்சவெளியைச் சேர்ந்த இருவர் படகு ஒன்றுடன் கடற்படையினரால் கைதுசெய்யப்பட்டுள்ளனர்.

இதேவேளை, அதே கடல் பகுதியில் சந்தேகத்துக்கிடமான வகையில் பயணித்த மற்றொரு இலங்கையைச் சேர்ந்த பல நாள் மீன்பிடிப் படகு ஒன்றைக் கடற்படையின் P – 4443 என்ற விரைவு படகு மூலம் இடைமறித்து கடற்படையினர் சோதனையிட்டனர்.

அதன்போது, வெளிநாடுகளுக்கு சட்டவிரோதமான முறையில் இடம்பெயர முயற்சித்ததாக சந்தேகிக்கப்படும் 18 வயதுக்கு மேற்பட்ட 5 ஆண்கள் கடற்படையினரின் பொறுப்பில் எடுக்கப்பட்டனர்.

அத்துடன், P – 4443 விரைவு படகு மூலம் மேற்கொண்ட சோதனையில், லங்காபட்டுன – வாழைத்தோட்டம் கடற்கரையில், சட்டவிரோதமான முறையில் வெளிநாடு செல்லும் நோக்கத்தில் நின்றிருந்ததாகச் சந்தேகிக்கப்படும் 18 வயதுக்கு மேற்பட்ட ஆண்கள் 10 பேர் கடற்படையினரால் கைதுசெய்யப்பட்டனர்.

இந்த மொத்தச் சுற்றிவளைப்புகளில் கடற்படையினரால் பொறுப்பேற்கப்பட்டவர்கள், திருகோணமலை, மட்டக்களப்பு, அம்பாறை, புத்தளம், அம்பாந்தோட்டை, வாழைச்சேனை, கல்முனை, அக்கறைப்பற்று மற்றும் குச்சவெளி ஆகிய பிரதேசங்களைச் சேர்ந்தவர்கள் என்று விசாரணைகளில் தெரியவந்துள்ளது.

திருகோணமலை கடற்பகுதியில் கைதான 34 பேரும் திருகோணமலை துறைமுகப் பொலிஸாரிடம் ஒப்படைக்கப்பட்டுள்ளனர்.

குச்சவெளியில் கைதான இருவரும் குச்சவெளிப் பொலிஸாரிடமும் வாழைத்தோட்டம் கடற்கரையில் கைதான 10 பேரும் ஈச்சிலம்பற்றுப் பொலிஸாரிடமும் ஒப்படைக்கப்பட்டுள்ளனர் என்று கடற்படை ஊடகப்பிரிவு மேலும் தெரிவித்துள்ளது.

Latest news

மூன்று நாட்டு தூதரக கட்டங்களை கைவிட்ட சிறிலங்கா!

அவுஸ்திரேலியா, சுவீடன் மற்றும் கென்யா ஆகிய நாடுகளில் சிறிலங்காவின் தூதரகங்களாக இயங்கி வந்த கட்டடங்கள் சிறந்த முறையில் பயன்படுத்தப்படவில்லை என்று கணக்காய்வு அறிக்கையில்...

 உயிருக்கு ஆபத்தான நிலையில் கரை ஒதுங்கிய இராட்சத திமிங்கலம்.

அமெரிக்காவின் நியூயோர்க் மாகாணத்தில் ஹெம்ப்ஸ்டெட் நகரில் உள்ள லிடோ கடற்கரையில்  ஹம்ப்பேக்  இனத்தைச் சேர்ந்த இராட்சத திமிங்கலம் ஒன்று அண்மையில்  கரையொதுங்கியுள்ளது.

மெல்போர்னில் உள்ள இந்தியர்களிடையே கருத்து வேறுபாடு அதிகரிப்பு!

மெல்போர்ன் உட்பட விக்டோரியா மாகாணத்தில் இந்திய சமூகத்தினரிடையே நிலவும் மோதல்களை உடனடியாக நிறுத்துமாறு மத அமைப்புகள் கோரிக்கை விடுத்துள்ளன.

தெற்கு ஆஸ்திரேலியாவில் தன்னார்வ கருணைக்கொலைகள்!

தீராத நோய்களால் பாதிக்கப்பட்டவர்களுக்கு கருணைக்கொலை சட்டம் தெற்கு ஆஸ்திரேலியாவிலும் அமல்படுத்தப்பட்டுள்ளது. இதனால், இந்த ஆண்டு விதிமுறைகளை அமல்படுத்தும்...

வீழ்ச்சியடையும் அபாயத்தில் NSWவிலுள்ள சிறு வணிகங்கள்!

மாநிலத்தின் முக்கிய வணிக சங்கமான பிசினஸ் NSW கருத்துப்படி, நியூ சவுத் வேல்ஸில் சுமார் 1/4 சிறு வணிகங்கள் வீழ்ச்சியடையும் அபாயத்தில் உள்ளன....

ஆஸ்திரேலியாவில் இன்று முதல் உயரும் எரிவாயு கட்டணங்கள் – நெருக்கடியில் விக்டோரிய மக்கள்!

ஆஸ்திரேலியாவில் உள்ள பல எரிவாயு நிறுவனங்கள் இன்று முதல் தங்கள் கட்டணத்தை உயர்த்தியுள்ளன. அதன்படி, எரிவாயு கட்டணம்...