மெல்போர்ன் செவிலியர் ஒருவர், தனக்கு கோவிட் தொற்று இருப்பதை அறிந்து முதியோர் பராமரிப்பு மையத்தில் பணிபுரிந்ததற்காக 25,000 டொலர் அபராதம் விதிக்கப்பட்டுள்ளது.
36 வயதான பெண்ணை இன்று Moorabbin நீதவான் நீதிமன்றில் முன்னிலைப்படுத்திய போதே இந்த அபராதம் விதிக்கப்பட்டுள்ளது.
கோவிட் பரிசோதனைக்கு வருமாறும், முடிவுகள் கிடைக்கும் வரை வேலைக்குச் செல்ல வேண்டாம் என்றும் மருத்துவர் அறிவுறுத்திய போதிலும், இந்த நபர் 2020 ஜூலை 26 மற்றும் 27 ஆம் திகதிகளில் Highett இல் உள்ள Menarock முதியோர் காப்பகத்தில் பணிக்குச் சென்றார்.
தனக்கு எந்த அறிகுறியும் இல்லை என்று பணியிடத்திற்கு தெரிவித்தார். ஜூலை 30 அன்று, இந்த நபர் கோவிட் நோயால் பாதிக்கப்பட்டிருப்பது உறுதி செய்யப்பட்டது மற்றும் அதன் குடியிருப்பாளர்களில் ஒருவருக்கும் கோவிட் தொற்று இருப்பது உறுதி செய்யப்பட்டது.
விக்டோரியா மாநிலத்தில் கோவிட் விதிமுறைகளை மீறிய குற்றச்சாட்டின் கீழ் சம்பந்தப்பட்ட செவிலியர் மீது வழக்கு பதிவு செய்ய அதிகாரிகள் நடவடிக்கை எடுத்துள்ளனர்.
