ஆஸ்திரேலியாவில் அடுத்த வருடத்திற்குள் ஒரு லீற்றர் திரவப் பாலின் விலை சுமார் 28 வீதத்தால் அதிகரிக்கும் என கணிக்கப்பட்டுள்ளது.
அதன்படி, தற்போது சராசரியாக 1.60 டொலர் மதிப்பில் இருக்கும் ஒரு லிட்டர் பால் இன்னும் சில மாதங்களில் 73 காசுகள் அதிகரிக்கும் என்று கணிக்கப்பட்டுள்ளது.
நியூ சவுத் வேல்ஸ் – விக்டோரியா மற்றும் டாஸ்மேனியா மாநிலங்களை பாதித்த வெள்ளம் மற்றும் உலகளாவிய விநியோக வலையமைப்பில் உள்ள சிக்கல்கள் இதை நேரடியாக பாதித்துள்ளன.
2014ஆம் ஆண்டு முதல் அவுஸ்திரேலியாவில் திரவப் பால் உற்பத்தி வேகமாகக் குறைந்துள்ளது.
அத்துடன், கடந்த வருடத்துடன் ஒப்பிடுகையில் இந்த வருடத்தின் இதுவரையான காலப்பகுதியில் திரவப் பால் உற்பத்தி சுமார் 07 வீதத்தால் குறைந்துள்ளதாக தெரிவிக்கப்படுகின்றது.
ஆஸ்திரேலியாவில் பால் பண்ணையாளர்களின் எண்ணிக்கை 2011ல் சுமார் 5700 ஆக குறைந்துள்ளதும் தெரியவந்துள்ளது.
ஆஸ்திரேலியாவில் உற்பத்தி செய்யப்படும் பாலில் சுமார் 32 சதவீதம் பால்-சீஸ்-வெண்ணெய் மற்றும் பிற பால் பொருட்களாக ஏற்றுமதி செய்யப்படுகிறது.
