ஆஸ்திரேலியாவின் முன்னாள் பிரதமர் கெவின் ரூட், அமெரிக்காவுக்கான அடுத்த தூதராக நியமிக்கப்பட்டுள்ளார். பிரதமர் அந்தோணி அல்பானீஸ், வரும் மார்ச் மாதம் பதவியேற்பார் என அறிவித்தார். அவுஸ்திரேலியாவிற்கும் அமெரிக்காவிற்கும் இடையிலான உறவுகளை மேலும் வலுவாகப் பேணுவதற்கு இந்த நியமனம் உதவும் எனவும் அவர் தெரிவித்துள்ளார். இதனிடையே, புதிய பதவியை ஏற்க தயாராக இருப்பதாக கெவின் ரூட் வெளியிட்டுள்ள அறிக்கையில் தெரிவித்துள்ளார். 2013ஆம் ஆண்டு அவுஸ்திரேலியாவின் பிரதமராக பதவியேற்ற கெவின் ரூட், அதற்கு முன்னர் சில காலம் வெளிவிவகார அமைச்சராகவும் பணியாற்றியிருந்தார்.
