ஆஸ்திரேலியாவின் புதிய பிரதமராகப் பொறுப்பேற்றிருக்கும் ஆன்டனி ஆல்பனீசி, இந்தோனேசிய அதிபர் ஜோக்கோ விடோடோவுடன் சைக்கிளோட்டிக் கொண்டே இருதரப்பு உறவைப் பற்றிப் பேச்சுவார்த்தைகளில் ஈடுபட்டுள்ளனர்.
அவர்களின் படங்களும் காணொளிகளும் இணையவாசிகளின் பாராட்டைப் பெற்றுள்ளன.
போகோரில் (Bogor) உள்ள இந்தோனேசிய அதிபர் மாளிகையில் விடோடோ, ஆல்பனீசிக்கு சைக்கிளை அளித்தார்.
அவர்கள் இருவரும் தங்கள் மேல் அங்கியைக் கழற்றிவிட்டு, தலைக்கவசம் அணிந்து, மாளிகையைச் சுற்றி சைக்கிளில் வலம் வந்தவாறே இருதரப்பு விவகாரங்களைக் கலந்துபேசினர்.
வித்தியாசமான இவர்களின் உரையாடல் இணையவாசிகளை வெகுவாகக் கவர்ந்தது.
ஆரோக்கிய வாழ்க்கைமுறையை ஊக்குவித்த தலைவர்களுக்குப் பலர் பாராட்டுத் தெரிவித்தனர்.
